De Lourdeskepel van Gènk-dèrp
Boe steet ze
Tieëgen de Bresselbaerg, bij de tennispleine van “Het Èlleboogske”,
oan de Wèntersloagstrót, tieëgenieëver wat vrigger de
plisseberoo woas. Allewijl (2008) zieht het geboo ter voul en verkómmerd
out. Ieëvergelótten oan de taan vannen tijd. (het rèègenwoater: de
troone van den hiemel?) Het steet er nog, maer, dat ès het dan ooch.
Allewoal,èn n oovember 2009 woas ze oane boutekant sjoen opgefrist,
gevaerfd èn twie tinte grijs. Me èn mee 2010 alwier beklad door
grafiti-speeters. Allewoal, ’t ès ‘ne faerme boo, 8,40m lank, 4,85m breed
en 7,34m hoehg. Het metswaerk moag aaners geziehn wèère ! Ooch
oane bènnekant woas ze sjoen oafgewèrkt, mèt de gesjillerde
brandgloasroame, de beelde; allemool het beziehn wèèrd. Ze nieë echt
out im efkes stil te zijn, e kreiske te moake och stillekes te kiehke. Ge
kont nie lengs het gebieren èn Lourdes heen. Tekste, wei: “Ave, koningin,
zonder vlek ontvangen” en “Wees gegroet, Maria, vol van genade.” zègge
genóg. De lèèvesloop van Bernadette ontbrikt vaneeges nie. Versjijningen
èn 1858 (11 fibberwoarie). Ze storf èn 1879, hèllig verkloord èn 1933).
De gloasroame zijn gemoakt doer ‘ne zieëkeren Daniëls, lierling van
Quème, gloassjiller out St. Trijë. Dei roame zijn betoald doer de fem.
Steyfkens-Wouters.
Histoerie
’t Woas pestoer Raymaekers, dèè rond 1890 den oanzèt goehf im doo tieëgen de Bresselbaerg ’n kepel
te booën ter iere van O.L.Vr. van Lourdes. ’t Ès ’n ier vier de minse van Gènk dèrp, dat ze de kepel zelf
gebód hèmme. Èn 1895 wiert vermeld dat de kèrkfebrik van St.-Martinus altoes eegenaer van de kepel ès.
Dat vènder èn de arsjieve vanne kèrkfebrik. Akte opgemoakt doer notoaris Hechtermans van Minstere
(Munsterbilzen). De grond ès groatis oafgestoeën doer Lambert Lenskens en Jan Houben; vier:
“Een gezongen jaargetijde ten eeuwigen dage.” (Èlk joor ’n gezónge joormès op dezelfden doatim).
Deevoosie
15 oggistis woas èlk joor hoehgdoag oane kepel. Dan trok ’n sjitterende persessie op O.L.Vr. Hiemelvoart
noo de kepel, dei prachtig versierd woas. Noo 1958 ès ‘r geen persessie nemie.
Zoe te ziehn, wiert ‘r nemie noo de kepel imgekieëke. Lótte vèè, Gènkenaere wier iet “historisch” verloere
goeën? Ze ès aaners gebód doer oos aars och groetaars, mèt hin eege bloete haan.
|