"Vereeniging vier het behaad en het gebreik van het Genker".
www.verenigingeningenk.be/veldeke
Mier as tachetig joor gelieë, èn 1926 woert èn Mestrich de vereeniging 'Veldeke Limburg' opgericht vier het behaad en het gebreik van de dialekten èn Nederlands Limburg.
Het lètterwoerd V.E.L.D.E.K.E., steet vier:
Voor Elk Limburgs Dialect Een Krachtige Eenheid.
Het verwijst vaneeges ooch noo den ierste Limburgsen dichter Hendrik Van Veldeke. Ènne loop der joere zijn èn Nederlands Limburg èlf ploatseleke kringen opgericht dei soame ontrènt dreidoehzend leede vereenige. Veldeke Limburg (NL) ès de ieëverkoepelende organniezoasie dei al leet op provinsjoal nievoo.
Pas èn 2001 ès 'Veldeke Bels(j)' opgericht as twelfde kring van Veldeke Limburg.
Veldeke Gènk, onner den hoed van Veldeke Bels(j) ès den ierste en dis ooch den aadste Bel-Limburgse ploatseleke Veldekekring (nov. 2000). Ternoo zijn doo Veldeke Hasselt (2003) en Veldeke As (2005) en Veldeke Pelt (2009) bijgekoeëme.
't Ès Felix Bergers gewèèst, dèè as lid van Veldeke Bels(j) het Veldeke-gebieren èn Gènk, Hasselt en As oane gang gestoeëken hit.
|