’t Kepelleke van Termien.

Boe steet ze?

Oppen hók van de Meeënheide en Op de Berk , bij de ènvoart van nr. 38 Al bij al toch nie zoe kleen: L= 6,45m , Br = 4m. Gebód mèt brikken out de Gènker brikkebekkerij van Vanhèngel.

Histoerie:

Louis Lieben vertèlden èn 1977.Gebód èn 1905. Iersten eegenaer: Cornelius Willems. Z’n vroo, Maria-Anna Warson erft het geboo.
1913: oangekocht doer de fem. Lieben-Warson
1927: doer erfdeeling wiert Louis Lieben eegenaer. Op ’n nouw doak noo ès de kepel nog krek wei ze èn 1905 gezatten ès. Onner den Ierste Wèèreldoerlog (1914-1918) hit den altoor gediend óm graen te verstèèke vier den Deitse bezètter.

Deevoosie:

Ze ès opgericht ter iere van St.-Gillis. ( St. Egidius; 1 sept) Boevier St. Gillis ? Niemes wèt het nog. Woaser petroenhèllige van iemes out de femielie , dèè mesjein ooch nog smieëd woas ?
Loaterhieëne woert ze tougewijd oan O.L.Vr. van de Roehzekrans. Allewoal, het beeldsjen op den altoor, het beeldsje ès van O.L.Vr. van Smarten. Mer dènkt dat de paoters Dominikaane doo achter gezèèten hèbbe.
Wei èn d’aaner kepellekes woert het geld out den offerblok gebreikt óm aaner beelden van: H. Hart van Jezus, de H. Theresia, St.-Rochus, ’t Kindsje Jezus van Praag en van St.-Jozef. oan te koope.
Èn de meemoond koeme de geboere soamen óm het Roehzenhiedsje te bèèë.
Èn oktoober spisjoal versierd vier de Roehzekranspersessie. Vanoaf 1965 gebiert doo hiel wienig óm nie te zègge niks nemie.
art van Jezus, Hartr van Jezu

De St-Gielis kepel. Den H. Egidius ; nie verwarre mèt de H. Eligius, St; Elooi (1 dec)
Egidius greit op èn Athene, staerft rond 700. Hèè lèèfden as ‘nen halve klouzenaer, ternoo as abt èn ze kloester te Nimes èn de Provence (Fr)

De legende vertèlt:

Hèè lèèfde van de mèlk van ’n hinde. Op ‘ne kooien doag zoeten de jèègers van kieëning Wamba van de Westghoten achter de hinde oan. Egidius besjermde hier mèt z’n eege lijf, me hèè woert zelf oarig gebletseerd. Op dei plak mochter van de kieëning zelf e kloester booë. Hèè woas smieëd, goodsmieëd en loater “muntmeester. Leegendoaris ès ’t verhoal van ‘ne knecht. Van een hiel sjèèg pèèrd kapde de knecht de poet oaf óm him te besloeën. Doen Egidius vèèrig woas, zat de knecht de poet trèg op z’n plak. Dèè “meroakelknecht” zoo niemes minner gewèèst zijn as O.L.Hier.
Tot hei , de legende …

Èn dat kepelleke steet St.-Gielis oafgebeeld as bissjop, mèt mijter en gebroeëke staf ;oan z’n viet likt ‘n hinde. Op aaner oafbeeldinge vènder as bijzètsel: hoamer, oambeeld, tang en hoefijzer.
Van doo de gelijkenis mèt St.-Eligius, St.-Elooi.