’t Kepelleke van Koamerloo
Boe steet het
Oan ’t spieëlpleinsje , tieëgenieëver den hók van de Kollerbosstrót
en de Lortbloeëkstrót.
’t Ès ’n hennig geboo, 4,30m lank bij 3,40m breed. ‘t Ès gebód mèt
brikken out de Gènker brikkebekkerij van Vanhèngel.
De minse van Koamerloo wollen alle tegoar ooch ’n kepel. Ze steet èn e klee paerkske mèt zitbenk en ‘ne kleenen altoor. Het zieht er echt goed en sjoen onnerhaagen out. (2007)
Histoerie
Gebód èn 1902. Ze hit ’n aad leeme kepelleke vervange. Op de Ferrariskoart van 1777 steet doo ooch e gebooken oangedeid. ’t Kan zijn dat het nog ’n aaner aaër kepel ès.
De kepel ès opgetrokken ter iere van O.L.Vr. van Rèst. Dènk efkes trèg oan Heppenèèrt bij Mezeek. Het meroakel-beeldsje, de legende enz.
Hei ès het beeldsjen ’n kopie van het hoote beeld èn Heppenèèrt. Den H. Johannes, achter de zittentaere , treerende, rèstende O.L.Vr.
Pestierkes van St.-Jozef mèt het Kènd, en van het H. Hart zijn ter loaterhieëne bijgekoeëme; gesjónken doer ’n goei ziel, och oangekocht mèt het offergeld.
Èn de joere ’70 ès ter ’n poar kier èngebroeëke, dei hèbben doo doen lillek housgehaagen en ’n hiel deel veranneweerd. De geboeren hèbben het doen zelf trèg èn orde gebrocht.
Deevoosie
Elk joor èn mee koem ‘r ’n persessie oan van out Ziehtele (Zutendaal), ter iere van “O.L.Vr.,
Behoudenis der Kranken”
Ooch hei koeme de minse ènne meemoond sondigs soamen im het ‘roehzenhiedsje’ te bèèë.
Het Roehzenhiedsje. Da’s eene noster rond.
1) De twelf artiekele van ’t geloehf
2) Ooze Voader,
3) Drei Weesgegroetsjes
4) Eene “Glorie zij de Vader, de Zoon en de H. Geest;
Gelijk het was in het begin, nu en altijd en in alle eeuwen der eeuwen, Amen.
5) Dan den noster rond: Ooze Voader + 10 Wggr + Glorie…. (de vijf tiensjes)
|