De St.-Annakepel oppe Brèt.

Boe steet ze

Ze steet oppen hók vanne Wèèg noo As en de Mispelaerstrót krek tieëgenieëver de bishalte.

Op ’t ierste zicht toamelek goed onnerhaage oppe oafgeblotte licht-gèèl vaerf noo 2009 fris opgevaerfd èn licht- en dónkelgrijs

De H. Anna ès de moeder van O.L.Vr. D’r bestoeën veel beeldegroepe mèt O.L.Vr., Jezus en de H.Anna. De noame Anne-Marie, Marianne, Anja, Antje, Ans, Annemie, An, Ann en Annie zijn doo van oafgeleed.

Histoerie

Oan den achterkant, ‘nen èngemetsde maergelsteen mèt 1846. Gebód doer de femielie Kerkhofs-Remans Pieter. Dèè man haa braa veel leed mèt z’ne moag. Im van dei ellènnige krampe verlost te wèère, hitter dei kepel doehn booë.

1913: De femielie Dries- Kerkhofs Pieter, getród mèt de dochter van de booër, erft de kepel.

1956: Dan erft Petrus, hinne zoeën de kepel. Maer, dan èn 1966 keept de gemeente Gènk dei kepel im ze zoegezagd te restereere. Ze ès nog altoes leeg. Wei al gezagd: oane boutekant sjoen opgefrisqt.

Deevoosie

De H.Anna wiert oanroepe vier ’t genèèze van moagzikdes. Doodoer zijn doo joerelang hiel veel minse koeëme bèèë. Tot èn 1958 trok doo de persessie van de “Kreisdoag” lengs. Ènne meemoond woerter ooch gebèèd. De rèst dèè het kepelleke outstroolde ès vórt doer het roozende verkier oppe Wèèg noo As.

Wei ze oan dat beeldsje gekoeëme zijn, ès nie noo te trèkke. De H. Anna-deevoosie ès pas ontstoeën èn de 16° iew. Poos Gregorius XIII hit èn 1584 het feest kanoniek outgeroepe.

Het pestierken, ‘ne beeldegroep van de H.Anna, Maria en Jezus, ès gemoakt doer iemes dèè van beeldende kinst nie veel verstand haa en den trant van dèèn tijd ooch nie kant.

Hèè hit het gemoakt op z’n eege menier en dat ès dan ooch bewonnerenswèèrd.