Kepelleke van Terbókt
Boe steet het?
Oan de rechter kant van de wèèg noo Looneke, krek verbij den drae oan frituur J.P. Oggistes 2007; ‘ne sjoen gesjoere groasef èn ligistrimtoun, ‘t ès fris ènne vaerf gezatte, lengs het pèèdsje groete bloemebek mèt frisse zoeëmerbleeërs. E braa groet geboo vier e kepelleke te zijn. 7,45m L,
4,40 m Br, de nok op 4,15m hoehg. Èn het klokketoereke hóng vrigger woal e klèkske. Boe zoo dat toch mer geblieëve zijn? Bezik gekrieëge van iemes mèt lang króm vinger?
Histoerie
Het steet op grond, eegendóm van:’De vereniging van Parochiale Werken der Dekenij Genk ‘
Gebód èn 1938 op koste van de fem. P-J Van Craybex - Catharina Lenaerts. Plang geteekend doer arsjetek Driessen, gezatte doer oannieëmer H. Steyfkens.
Deevoosie
Opgedroagen oan O.L.Vr. van Rèst, doen ’n hiel geliefde hèllige. Dèk bezócht doer oanstoonde en jóng moeders van kleen wichterkes , dat ze gespoard zooë blijve van gevoarleke zikdes. Vrigger passeerde doo ooch de kreispersessie. De kepel woert dan doer de geboere sjoen versierd.
D’r stoeën ooch deevoosiebeeldjes van St.-Franciscus mèt het Kènd en bleeënde staf, de H.-Theresia van Lisieux, de H. Brigitte, de H.Isidoor mèt stroeibèssels.
Wier het eegeste verhoal: de memente van bezinne en bèèë zijn doo ooch stillekesoan verloere gegoeën.
|