Limericks out 'Èlke wèèk een'

van Gerard Lieben, alias Zjeraar van Moenkes Lewie.

Nr 25

Mèt m’ne villoo rieëd ich ieëver den Ichter

Ich dènk, ich gón eenen hooën èn de Ichter

Ich haa mich lótte vertèlle

Dat ze het doo zoe goed mèteen koste stèlle

’t Woas ooch woer, want nooderhand woas ich hiel wat lichter.

Nr. 26

Mèt de Gènker Trappers rieëd ich de vierdoagse

De vroo zag: “ Mèt zoe’n hits, ich bekloag ze.”

En jawoal, noo èlke rit

Haa ich liever e poar bokken as ‘ne frit

En achter mich hierden ich zègge: “Dèè moag ze.”

Nr 23

Ich gónk ‘ns waanele lengs de bieëk

Ich versjrikde mich, het woas gee woater boe ich noo kieëk

Ich voel bekans op m’n prij

Ieëver de smierlapperij

’t Woas ierder ’n smierpijp boe ’t op lieëk.

Nr 17

Betoale, betoale, betoale

Mer daert krie de post nog bènnenhoale

Dan ès het dit, dan ès het dat

Mer het ès oanhaagetig wat

Zoe ziehste mer, ze zitten altoes èn d’n moale.

Nr 40

De knakker koem van Geliere

Hèè gónk noo ‘t dèrp kermes viere

Hèè kroeëp mèt ’n pèl èn de róps

Hèè trok ze ins faerm tieëge zich oan en hóps,

’n Poar joor ternoo woere ze al mèt viere.

Nr 32

Viertien doag drónk ‘r out dezelfde zjat

Hèè zoet alleen, wat lèdde toch dat

Aaners loehg ’t mèt z’nen telier

Dèè lekden ter out, woal ‘ne kier och vier

En de tóffel vèègden ‘r oaf mèt de règ van de kat.

Spelling 2001  stem T.A.