De Bieëk

Nelly Crèvecoeur-Olyff

Vrigger loep achter de Mieëlestrót
’n bieëk, dei der doo nou nemie vènne gót.
Van oane weier trok ze hier woaterspoer,
en loep dan onner de Stoasiestrót doer.

En, wat ze doonoo nog die,
interesseerden oos nemie.
Vèè haaën “Oos Stèk” vier èn te boaie,
en boe ve oos èn koste begoaie.

’t Woater, zoe kloor, ge kost de boeiem (bodem) ziehn,
sjoen oafgebeerd mèt ‘ne kroag griehn.
Stiehkelzjengskes (stekelbaarsjes) woenden onner dèè boerd.
Op ’t woater sjoeëte spènne trèg en voert.

Weiveel koehlekèpkes (dikkopjes), krie geboere,
Zijn èn oos bekalleke kwakvors (kikker) gewoere.
En, ‘t gebierden ooch, wijl mer vèskes vóng
‘ne bloedzouker oane tienen hóng.

Èn en oan dei bieëk, hèmme vèè oos noets verveeld,
hèbben alle kènner vanne strót gespeeld.
Oaventou zoehgder e vroomes kniele,
op ’t brègsken im ’n maan was te spiele.
En, èsser al ‘ns e stèk out hier haan gesjoeëte,
ès dat mèt de bieëk doer hiel Gènk gevloeëte.

Ze haaën oos as kènd ‘ns moete zègge,
Dat ze oets oos bieëk tou zooë lègge.
“Da’s onmiehgelek,” zooë ve hèmme gezagd,
“ dat ’n bieëk kan wèère tougelagd.”

Toch zooë ze de woerhed hèbbe gesproeëke,
Want oos bieëk ès al lang onner de grond gedoeëke.
Boe mer ins stiehkelzjengskes en koehlekèpkes vond,
Doo rije nou óttoos en móttoos rond.

Spelling 2001 , stem T.A.